非常索凸務2 2016

當年索倫達（賓史迪拿）因被後起名模漢素（奧雲韋遜）搶盡風頭，投靠時裝奸人麥加圖（韋爾法路），點知慘被洗腦仲幾乎捲入政治暗殺風暴。好彩最終化險為夷，仲同漢素化敵為友添。事隔多年，已經退隱嘅索倫達同漢素，竟然再度重出江湖！不過時移世易，佢哋已經俾人笑係老餅。事緣有神秘殺手宣稱要殺盡世上靚人，多位知名人士已經遇害。有感案情複雜，而且牽涉時裝界及名氣界，加上死者遇害時全都做出索倫達的招牌表情，因此國際刑警華倫天娜（彭妮露古絲）決定請索倫達同漢素出山做無間道，希望可揪出冷血幕後真兇。警方預料殺手下個目標會係樂壇小天王 Justin Bieber 同搖滾公主 Demi Lovato，究竟索倫達同漢素可唔可以及時幫手救返呢兩個靚人？